August 4, 2017

علاج التهاب اللوزتين عند الأطفال

ماهو التهاب اللوز المتكرر عند الاطفال ؟

اللوز تحتوي خلايا لمفاوية لها دور في مناعة الطفل أثناء الحمل أول ستة أشهر من العمر, بعد عمر الستة أشهر فلا  يوجد لها أي دور في مناعة الطفل على عكس ما يتوهم عليه الناس .

أصبحت التهابات اللوز في ازدياد مع الزمن وتصيب خاصة الاعمار من 3 – 6 سنوات .

التهاب اللوز يؤدي الى ارتفاع الحرارة , صعوبة البلع وفقدان الشهية, تضخم غدد العنق وصعوبة التنفس . عادة من

يدوم عدة أيام ويستجيب للمضاد الحيوى .

للأسف فانه مع كثرة استعمال المضادات الحيوية أصبحت لدى أغلب الاطفال مقاومة لهذه المضادات والاستجابة ضعيفة لذا فانه في حالة تكرار هذه الالتهابات فينصح بازالة اللوز .

ماهي المضاعفات السيئة لالتهاب اللوز المتكرر عند الاطفال ؟ 

–  روماتزم في القلب ومشاكل في صمامات القلب.

–  روماتزم  الكلى واحتمال تلفها  الكلى

– التهابات الاذن الوسطى .

ينصح بازالة اللوز في الحالات التالية :

– تكرار الالتهابات عدة مرات  في السنة .

– صعوبة التنفس والاختناق أثناء النوم

التهابات الاذن الوسطى المتكررة

الان يتم اجراء استئصال اللوز اعتبارا من عمر السنتين واذا استدعت ضرورة ملحة كحالات الاختناق فيمكن ازالتها على عمر الستة أشهر .

تتنوع حاليا طرق ازالة اللوز وهي :

1 –  الطريقة العادية

2 –   الكاوي

3 –  الكوبليشن

4 –   الليزر .

اسئلة متعلقة بعلاج التهاب اللوزتين عند الأطفال

1) دكتور بنتي عملت عملية لوز ولحمية والحمدلله بتاكل كويس ولكن بصعوبة والم شديد ويوجد طبقة بيضاء مكان اللوز هل الالم والطبقة البيضا امر طبيعي الى الان وماذا افعل لتخفيف الالم مع العلم انها بتاخد تحاميل مسكنة للالم وبتاخد مضاد سوبركس ؟؟

الغشاء الابيض هو شئ طبيعي يحدث مكان اللوزتين بعد استئصالهم ويسقط مع الوقت ومع استمرار الطفل تناول الطعام بصفه مستمرة وهذا من التعليمات التي يوصي بها الاطباء بعد عمل العملية او التبيهات التي يجب شرحها للمرضي ويقل الالم مع الوقت واخذ العلاج بأنتظام .

2) دكتور انا كنت عايزة اعرف انا حللت سرعة ترسيب لابني طلعت عالية اية السبب ؟؟

يرجي استشارة طبيب الروماتيزم الخاص بالاطفال قد يكون احد الاسباب وهو الحمي الروماتيزمية .

3) لو سمحت يا دكتور ابنى عندة 4سنين ونص وكان تعبان اوى من سنة مكنش بيتنفس من مناخيرة خالص وكان بيشخر اوى وكمان كان فى إفرازات كتير اوى بتنزل من مناخيرة رحت للدكتور قالى اللحمية عملتلة اللحمية واللوز من سنة وكان بعدها كويس من ساعت الشتاء وهو تعب تانى ومش عارف يتنفس من مناخيرة وكلامة مش مفهوم علشان فى خنفان شوية كدة اية لو سمحت أنا خايفة العملية يكون فيها مشكلة ويفضل كدة ؟؟

 عملية اللحمية لا توصف بالعمليات الخطيرة فارجو عملها وعدم تأجيلها لعدم حدوث مضاعفات وتوسيع المجري الهوائي للطفل ولكن يجب عملها مع دكتور متمرس استشاري اجري هذه العمليات عدة مرات .

4) دكتور انا بنتى عندها 9سنين من حوالى 3سنين عملنالها عملية اللوز واللحمية ومكانش فى اى مشكلة غير انها بتشخر وهى نايمة عشان كدة شيلنا اللحمية لاحظنا بعد العملية ان البنت مناخيرها اتقفلت تماماُ مفيش هواء بيدخل ولا بيخرج منها وبعض الحروف فى النطق مبقتش واضحة وزى ماتكون مزكومة على طول روحنا لدكاترة كتير وعملنا اشعة عادية واشعة مقطعية ومفيش دكتور قدر يقولنا دة عبارة عن اية لحد ماروحنا لدكتور شاف الآشعات وطلب يعمل منظار وبعد ماعمل المنظار قال ان فى حتة لحمية محتاجة تتشال ودخلت بنتى اوضة العمليات لكن الدكتور طلع بعدها بخمس دقايق وقاللى البنت عندها التصاقات لحمية فى سقف الحلق حصلت بعد العملية الأولى قافلة على مناخيرها لدرجة انه مش قادر يعدى القسطرة وبيقولى ان دى حالة نادرة جدااااااًً وهى كدة محتاجة عملية لفك الألتصاقات اللحمية دى بس دى عملية مش سهلة ونتايجها مش مضمونة ياريت حضرتك تفيدنى ؟؟

لو افترضنا ان التشخيص ده صحيح وهو التصاقات مكان للحمية فعلاجه صعب بالفعل و لكن اظن انه بواقي للحمية داخل فتحت الانف الخلفية , يرجي التأكد من التشخيص بعمل منظار وبعدها نحدد خطة العلاج .

 5) لو سمحت يادكتور انا ابنى عملتله عملية اللوز واللحميه وبعدها بثلث سنين اشتكى من اذنه والدكتور قال فى ميه ورا الطبله وفى لحميه لازم نشيل اللحميه وبعدها بسنتين اشتكى من اذنه وجابت صديد وميه تانى ولقينا الحميه لثالث مره موجوده وكبيره اوى لدرجة ان مابيقدرش ياخد نفسه وسعات ماببسمعش بردو لازم تتعمل اللحميه وايه السبب انهاا بترجع تانى ؟؟

من اهم اسباب عودة نمو اللحمية مرة اخري

وجود التهابات متكررة لا يتم علاجها بصورة جيدة خصوصا في مرضي حساسية الانف  والسبب الاخر خطأ من الطبيب الذي اجري العملية ولم يتم استئصالها بصورة جيدة فقد يكون هذا هو السبب او ذاك ولكن اذا كبرت اللحمية في المرة الثالثة لايوجد صعوبة في عملها مرة اخري.

6) لو سمحت يادكتور بنتي عندها اربع سنين وعملت اللوز واللحميه من سنه وبتخنفر خنفره حتي وهي صاحيه وديما تشتكي من ودنها وديما يجلها كحه شديده بليل ؟؟

قد يكون هناك تضخم مرة اخري باللحمية فارجو مراجعة الطبيب مرة اخري .

7) بنتي عملت عملية اللوز من يومين عند حضرتك معلش ف استفسار صغير بعد العمليه هى عندها كحه نشفه شوية اديها ايه ؟؟

ممكن تاخد دواء كحه اسمه فينتاماكس

8) بنتى عمالها عملية اللوز بعد العمليه بسنتين وديتها لدكتور قالى عاوزه عمليه اللتصاق فى اللوز اعامل ايه ؟؟

هذا التشخيص غريب ارجو اخذ رأي اخر من طبيب تثق في .

9) ابنى عنده حاليا 5 سنين من فتره طويله ﻻحظت انه مبيسمعنيش كويس وهو اساسا بيشخر كتير وهو نايم عملنا مقياس ضغط الودن وقالي عنده ارتشاح جامد اخد كورس 20 يوم مضاد كﻻسيد ودةا برونكوبرو وماكسيلاز بعدها اتحسن السمع والشخير تقريبا راح والدكتور كان مقررله يعمل عمليه اللوز واللحميه بعد الهﻻج بس حصلت ظروف ومعملنهاش للاسف مع اول دور برد ورشح ودنه اتقفلت تانى ورجع مبيسمعنيش كويسالدكتور قرر تانى العمليه وقال مفيش داعي يعمله انابيب التهويه لودنه مدامها بتيجى بالادويه بلاش نتدخل جراحى وحاليا عايز يعمله الاسبوع ده اللوز واللحميه ايه راي حضرتك اعملها وﻻﻻ ؟ مع العلم ابنى بيشخر جامد وهو نايم وبيفتح بقه وساعات بيشرق من البلغم وهو فاتح بقه ؟؟

لو في انسداد في المجري الهوائي كما تصفين فالافضل هو اجراء استئصال اللوزتين واللحميه بالنسبة للاذن ارجو عمل مقياس سمع جديد لتحديد حالتها اذا كان هناك ضعف سمع شديد او عدم الاستجابة للعلاج الدوائي او بعض العلامات بالفحص قد يحتاج الي تركيب انابيب تهوية ولكن هذا القرار يأخذه استشاري الانف والاذن المتمرس علي هذه الحالات .

10) لو سمحت يا دكتور بنتي عندها 4سنين وبتعاني من التهاب الحلق واللوز بكثرة ينفع تعمل العملية ولا سنها صغير ؟؟

عملية اللوز تجري في اي سن اكثر من 3 سنوات اذا لزم الامر مثل الالتهابات المتكررة او تضخم في الحجم ادي الي صعوبه في النفس او البلع .

11) السلام عليكم ورحمة الله وبركته دكتور انا مريضة من غزة اود الاستفسار عن امر معين هل من الممكن تضخم اللوز ان يؤدي لتضحم بالغدد الليمفاوية بالبطن اذا كان كذلك فانا اعاني من تضخم غددي الليمفاووية بالبطن بحجم 5*4 سم من اربعة اشهر وبعد الدورة الشهرية اتالم الم شديد قاتل تم اخذ عينة من انسجة الغدد النتيجة اظهرت انها طبيعية من انسجة الغدد طبيعية وببداية الالم اخدت كوورس بنسالين بدن فائدة اتمنى ان تفيدوني .

تضخم اللوزتين لا يؤدي الي تضخم الغدد اللينفاوية بالبطن الا في حالات نادرة وهي وجود اورام في اللوزتين مثل ورم الليمفوما  قد يصحبه تضخم الغدد اللينفاوية في الجسم كله

12) السلام عليكم انا عندي 29سنه عندي التهابات في اللوز متضخمة اول مرة تيجي شهر 12وبعديها بعد ماخد حقن مضاد حيوي قعد شهر ورجعت تاني وخد علاج تاني دلوقت بعد مايروح مفعول المضاد الحيوي اتعب تاني مبكلمش اسبوع المهم كل الدكاترة قالوا لازم تتشال لانها متضخمة , ممكن اعرف ليها مخاطر وتكلف كام

اذا كانت الالتهابات اصحبت متكررة هكذا فالافضل استئصال اللوزتين لان ضررها اصبح اكثر من نفعها في هذا السن وليست خطيرة في السن الكبير وبالنسبة للتكلفة عند تشريفنا في العيادة نتناقش في الاسعار المختلفة للمستشفيات .